សម្តេចតេជោ ហ៊ុន សែន បានអញ្ជើញចុះពិនិត្យការធ្វើស្រែ និងសំណេះសំណាលជាមួយប្រជាកសិករ នៅស្រុកព្រៃកប្បាស ខេត្តតាកែវ

ភ្នំពេញ៖ ចេញផ្សាយ ថ្ងៃអង្គារ៍ ១កើត ខែស្រាពណ៍ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២១ ខែកក្កដា ឆ្នាំ២០២០។

សម្តេចតេជោ ហ៊ុន សែន អញ្ជើញពិនិត្យការធ្វើស្រែ និងសំណេះសំណាលជាមួយកសិករ នៅស្រុកព្រៃកប្បាស ខេត្តតាកែវ ។

ប្រភព៖(Samdech Hun Sen Cambodia Prime Minister) Page

នៅព្រឹកថ្ងៃអង្គារ ទី២១ កក្កដា នេះ ខ្ញុំនឹងចុះទៅពិនិត្យមើលសកម្មភាពធ្វើស្រែបង្កបង្កេីនផល និងសំណេះសំណាលជាមួយបងប្អូនប្រជាកសិករនៅក្នុងស្រុកព្រៃកប្បាស ខេត្តតាកែវ។

ពិតណាស់ វិស័យកសិកម្ម គឺសំខាន់ខ្លាំងណាស់សម្រាប់ប្រជាពលរដ្ឋកម្ពុជាតាំងពីសម័យដូនតាយើងមកម៉្លេះ។ ប្រជាពលរដ្ឋខ្មែរស្ទើរទូទាំងប្រទេស សុទ្ធសឹងជាអ្នកប្រកបរបរកសិកម្ម។ ពេលនេះជាឱកាសល្អបំផុតក្នុងការជម្រុញវិស័យកសិកម្មនៅទូទាំងប្រទេសអោយកាន់តែរីកចម្រេីន។

ខេត្តតាកែវគឺជាដែនដីដ៏មានសក្តានុពលមួយលើវិស័យកសិកម្ម។ កន្លងមកខេត្តតាកែវ បានជាប់ចំណាត់ថ្នាក់លេខ៣លើវិស័យកសិកម្ម បន្ទាប់ពីព្រៃវែង និងបាត់ដំបង។ ពីមុនប្រជាកសិករយើងចុះស្ទូងនិងច្រូតស្រូវ ដោយកំលាំងដៃផ្ទាល់ ​ ប៉ុន្តែពេលនេះគឺយើងមិនស្ទូង និងច្រូតស្រូវដោយដៃទៀតទេ​ គឺដោយគ្រឿងម៉ាស៉ីនវិញ​។