ខេត្តសៀមរាប៖ មានភ្ញៀវទេសចរជាតិ និងអន្តរជាតិចូលមកកំសាន្ត មានចំនួនសរុប៤៥,៩០៦នាក់ សម្រាប់ថ្ងៃទី១៩ ខែសីហា ឆ្នាំ២០២០នេះ!
ខេត្តសៀមរាប៖ មានភ្ញៀវទេសចរជាតិ និងអន្តរជាតិចូលមកកំសាន្ត មានចំនួនសរុប៤៥,៩០៦នាក់ សម្រាប់ថ្ងៃទី១៩ ខែសីហា ឆ្នាំ២០២០នេះ!
ភ្នំពេញ៖ ចេញផ្សាយ ថ្ងៃព្រហស្បតិ៍ ២កើត ខែភទ្របទ ឆ្នាំជូត ទោស័ក ព.ស ២៥៦៤, ត្រូវនឹងថ្ងៃទី២០ ខែសីហា ឆ្នាំ២០២០។
សៀមរាប៖ នៅថ្ងៃទី១៩ ខែសីហា ឆ្នាំ២០២០នេះ មានភ្ញៀវទេសចរជាតិ និងអន្តរជាតិចូលមកកំសាន្តនៅខេត្តសៀមរាប មានចំនួនសរុប៤៥,៩០៦នាក់ ក្នុងនោះ ភ្ញៀវទេសចរបរទេសមានចំនួន ២៦១នាក់ មានការថយចុះ ៩៣.៧២% ប្រៀបធៀបឆ្នាំ២០១៩ គឺមានចំនួន ៤,១៥៥នាក់ ភ្ញៀវជាតិមានចំនួនប្រមាណ ៤៥,៦៤៥នាក់។
សរុបរយៈពេល ៤ថ្ងៃ ចាប់ពីថ្ងៃទី ១៦ ដល់១៩ ខែសីហា ឆ្នាំ២០២០ សរុបចំនួនប្រមាណ ១៣៦,៣៩១នាក់ ក្នុងនោះ ភ្ញៀវទេសចរបរទេសមានចំនួន ១,៥៦៧នាក់ មានការថយចុះ៩២.៤៦% ប្រៀបធៀបឆ្នាំ២០១៩ គឺមានចំនួន ២០,៧៨៤នាក់។
ភ្ញៀវទេសចរជាតិ មានចំនួនប្រមាណ ១៣៤,៨២៤នាក់ ។ នេះបើតាមរបាយការណ៍របស់មន្ទីរទេសចរណ៍ខេត្តសៀមរាប អោយដឹងនៅរាត្រីថ្ងៃទី ១៩ ខែសីហានេះថា គឺជាចំនួនមួយដ៏ច្រើនគួរឲ្យកត់សម្គាល់សម្រាប់រយ:ពេល ៥ខែចុងក្រោយក្នុងវិបត្តិជំងឺកូវីដ-១៩ ដែលជាឱកាសថ្ងៃឈប់សម្រាកសងបុណ្យចូលឆ្នាំខ្មែរ ដែលមានរយ:ពេល ៥ថ្ងៃ រួមនឹងថ្ងៃសៅរ៍ អាទិត្យពីរដងទៀតស្មើនឹង ៩ថ្ងៃ ដែលជាការអនុញ្ញាតដោយរាជរដ្ឋាភិបាលកម្ពុជា។
ក្នុងនោះរដ្ឋបាលខេត្តបានរៀបចំឱ្យមានកម្មវិធីកម្សាន្តមួយដ៏ធំគឺកម្មវិធីកម្សាន្ត ក្រោមប្រធានបទ” សម្រាកសៀមរាប ” ដែលជាគំនិតផ្ដួចផ្ដើមរបស់ឯកឧត្តម ទៀ សីហា អភិបាលខេត្តសៀមរាប និងឯកឧត្តមប្រាក់ សុភ័ណ ប្រធានសហភាពសហព័ន្ធយុវជនកម្ពុជាខេត្តសៀមរាប។ ក្នុងឱកាសថ្ងៃឈប់សម្រាកសងបុណ្យចូលឆ្នាំខ្មែរ ដែលមានរយ:ពេល ៥ថ្ងៃ រួមនឹងថ្ងៃសៅរ៍ អាទិត្យពីរដងទៀតស្មើនឹង ៩ថ្ងៃ ដែលជាការអនុញ្ញាតដោយរាជរដ្ឋាភិបាលកម្ពុជា ៕
ប្រភព៖ www.information.gov.kh
