ថ្ងៃសៅរ៍ ទី២៨ ខែមិថុនា ឆ្នាំ២០២៥-- តាមសេចក្តីរាយការពីសារព័ត៌មាន«អេប៊ីស៊ីញូស៍ / abcnews» នៅក្រុងបាងកកជុំវិញវិមានឈ្នះឈ្នះមានក្រុមបាតុកររាប់រយនាក់បានប្រមូលផ្តុំគ្នា កាលពីថ្ងៃសៅរ៍ដើម្បីទាមទារឱ្យលោកស្រីនាយករដ្ឋមន្ត្រី ផេថងថាន/Paetongtarn Shinawatra ចុះចេញពីតំណែង ដែលជាផ្នែកមួយនៃភាពចលាចលនយោបាយថៃដែលកើតឡើងដោយការបែកធ្លាយសំឡេងសន្ទនាតាមទូរស័ព្ទជាមួយសម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា។ ប្រភពបានបន្តថាលោកស្រីនាយករដ្ឋមន្ត្រី Paetongtarn ត្រូវបានប្រជាជនថៃមិនពេញចិត្តកាន់តែខ្លាំងឡើងចំពោះការដោះស្រាយជម្លោះព្រំដែនថ្មីៗជាមួយប្រទេសកម្ពុជាជាពិសេសទាក់ទងនឹងការប្រឈមមុខដាក់គ្នាដោយប្រដាប់អាវុធនៅថ្ងៃទី ២៨...
